التاريخ : 2014-08-04
إبنة سعيد صالح: لا تضيعو وقتكم بالهجوم على الفنانين ..ادعوا له فهو يحتاج للدعاء
الراي نيوز . ناشدت هند سعيد صالح إبنة الفنان الكوميدي الراحل وسائل الإعلام ورواد مواقع التواصل الإجتماعي بالكف عن مهاجمة الفنانين لعدم حضورهم جنازة والدها الراحل، وكتبت عبر صفحتها على الفيسبوك قائلة: "بعد اذنكم انا بطلب من كل اللي فكر و قرر أن الفنانين ماعندهومش اصل، وعندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه .. افيد له لانه محتاج ده ..".
وأضافت: "لحظة ما توفى انا اللى قررت سرعة الدفن .. لأن اكرام الميت دفنه". وتابعت بقولها: "بابا كان موصى يدفن فى مسقط رأسه فى المنوفيه .. ولأن كان عندى سفر ساعتين عشان أوصل للمقابر .. ولأنى كنت عايزة الحق نور ربنا .. و لأن حاجات كتير مش مضطرة اشرحها .. باختصار اولوياتى ادفن اب توفى .. مش فنان توفى .. طبعا انا عارفة ان مصر كلها حزينة عليه و ده على راسى .. بس ده مش سبب لاتهام حد بالجحود ..".
وأضافت هند: " الفنانين دول اهلى .. نمرة 2 .. و محدش سابنى .. و على ما الناس عرفت كنت انا سافرت .. و اهتمامي الاول والاخير كان بسرعة دفنه .. و بدل ما كان 1000 واحد هيمشى في جنازته فى القاهرة لقيت محافظة المنوفية كلها فى جنازته هناك .. واللى هنا واللى هناك عند ربنا واحد فى الأجر والثواب .. فلو سمحتوا ادعوا له بس هو محتاج ده ولا حاجة غير ده .. و من فضلكم كمان مرة محتاجة احزن على ابويا في سلام مش في مهاترات لا هتودى ولا هتجيب لانه هو اصلا في حتة تانية خالص".
واختتمت بقولها إن العزاء سيقام يوم الثلاثاء فى مسجد عمر مكرم بالقاهرة .
نيللي كريم مع حسن شاكوش في كواليس "الباشا باشا"
شريف رمزي: لن أتردّد في دعم زوجتي للعودة الى التمثيل
منى زكي تردّ على أخبار سحب مشروع سينمائي وحملة إعلانية منها
دور سارة بركة في "علي كلاي" رمضان 2026
آسر ياسين: "إن غاب القط " مغامرة فنية وهذا رأيي بالرجل التوكسيك
كارمن بصيبص تعود إلى الواجهة
سيرين عبد النور تتحدث عن تأجيل مسلسل كذبة سودا
فيلم "طلقني" يحقق مبيعات قياسية في السعودية