نفذ حراك أهل المفرق اعتصاما عقب صلاة تراويح الاثنين مقابل مسجد عمر بن الخطاب لرفضهم القاطع لسياسة رفع الأسعار وقانون الانتخاب والاعتماد على جيب المواطن في سد عجز المديونية بعد أن تم بيع ونهب مؤسسات ومقدرات الوطن وانعكاساً لازمة الدولة سياسياً واقتصادياً واجتماعياً .


ورفع المعتصممون الشعارات التالية :-

لن نسامحكم
أعيدوا مقدرات الوطن
جوعتونا ... وشحدتونا
تعليم مجاني ...وعلاج مجاني
نريد تكافئ للفرص
لن نصوت على قانون انتخابكم !!!
نعم لعمالة الوطن ... لا للعمالة الوافدة
بدنا نشرب مي ... عطشتونا
ليش ما أتحاسبوا الحرامي ؟؟؟
أين حرية الرأي والتعبير ؟؟؟
لا للقبظة الامنية ... في الحياة المدنية

وهتفوا بهتافات نارية هذه بعض منها :

نار والله والله نار ... شعب الاردن ولع نار
نار والله والله نار... البلد النا يا تجار
نار والله والله نار ... ولله لنوخذ بالثار
نار والله والله نار .... شدوا الهمة يا احرار
نار والله والله نار ... وسرقوا منا كل الدار
نار والله والله نار ... وبدنا نبني اللي انهار
نار والله والله نار ... مهما كان ومهما صار
نار والله والله نار ... رجال الاردن ثوار
نار والله والله نار ... كل ارجالك والله احرار
نار والله والله نار ... خلي البلد اتولع نار
نار والله والله نار ... خلينا انورجيك النار

يلي بتكتب في التقرير ... وصل لمعلمك الكبير
وصلها بذمه وضمير ... مارح نسكت مهما يصير
ثوره ثوره عالفساد ... ولى عهد الاستعباد
من هون لحد الموت .. عالفاسد ماظل سكوت

اكتب اكتب ياعميل ... عند الحر طفح الكيل
اصلاح مافي اصلاح ... والشعب بدو يرتاح
على الاصلاح الله الله ... الاردن باعو عوض الله

يا حكومة طفح الكيل ...قلب الشعب شايل شيل
المواطن المسكين ... ذبحوا جيبه بالسكين
يا اللي ترفع الأسعار ... شعب الأردن ولع نار
يا اللي ترفع الأسعار ... شعب الأردن والله احتار
يا اللي ترفع حق اللقمة ... غضب الشعب اكبر نقمه
بدي أقولك بهل ألمه ... هذا الشعب اكبر نعمه
يا للعار و يا للعار ... حكومة بترفع أسعار
يا فايز اسمع اسمع ... كهربا مش رح ندفع
سلم سلم سلم سلامات ... على مجلس الامتيازات
سلم سلم سلامات ... على مجلس الجوازات
يا نواب البرلمان ... هذا المجلس مش دكان