التاريخ : 2014-09-21

الراي نيوز - اسمه الاول من الفصل ما يعرف الثوم من البصل وبفكر حاله بطل وبالمجلس ماله عمل ما حدى بعرف كيف وصل ترك بلاده والعاصمة سكن ومن ثقل وزنه يمشي على مهل وما حدى عارف اله محل. اسمه الثاني على وزن وتر وحياته كلها وعر ويخاف من رش المطر وبصحى متأخر من كثر السهر عطشان لو كان على مية نهر.. وعلى التقاعد قلبه انفطر وبحياته عمره ما انتصر .. فاقع وطاق من القهر. من بعد نمرة اهدعش صار يركب سيارات وعلى دور النيابة عرف المطارات وبدور على السفرات وبخاف من الصور والكمرات بالمجلس دايما نايم وعلى شبر مي عايم وعلى وجهه هايم وبمشي مع المخاتير واصحاب العمايم ووجهه وارم مفقود ومش موجود غير على العزايم بدور على المناصب وبده منها مكاسب وبدروسه راسب حالق اللحية والشارب بحكي عن حاله كاتب والكل عليه عاتب ولا هو شب ولا شايب واسمه ابو المصايب..