التاريخ : 2014-12-06

الراي نيوز- اسمه الاول على اسم خير الانام بصحى بدري وما بنام .. وكان رايح جاي على الشام .. ودايما معزوم وعمره ما كان عزام .. يحب الفوضى وبكره كل اشي نظام .. وبفكر حاله من القادة العظام وسوالفه طايره مع الاحلام ودايما عنده زكام وبحب الصيادية والحمام وما بفكر بالدوام للحكومة علق وسام. اسمه الثاني على وزن عدلي ولسانه بميل للمصري وحضوره للمجلس شكلي وبغني طاير عقلي وبحب الجاج المقلي وعدوه اللدود طاهر المصري. معروف من جماعة شومان .. وعمره ما برجع على البرلمان وبعطوه بدل سكن بعمان وبقول عنه فهمان وبفكر حاله سوبرمان وبقول عن حاله طفران وعلى اصحابه ثقلان وعمره ما زار علان وخميس على جمعة بقضيها بلبنان وعلى الصحراوي فاتح دكان .. ومن جماعة الو والفرمان والمصلحة إله عنوان .. ومؤامراته بكان زمان .. بابه مسكر وللناس مش فاتح وعمره ما كان فالح وبتحمم بالبحر المالح تارك هموم الناس وبدور على المصالح وما حدا بقله وين رايح وبمدرسته ما كان ناجح وما حدا إله ناصح ولا حدا إله مادح ضبابي وغامض ومش واضح.