التاريخ : 2014-12-13

الراي نيوز - اسمه الاول من ما حمد وعبد وكلامه كثير وعلى الفاضي ودايما بلود مرة نثر ومرة بالشعر يغرد وعلى فعل الخير مش متعود مغرور ولنفسه بمجد ومن داخله اجوف وفاضي وبس شغل يقلد وبالمجلس قاعد ومتقند .. راسه بحمى زي بريموس الكاز مرة برقص دحية ومرة برقص جاز ومش واصله كهربة ولا فاز وبدون فرامل وبدون غماز وقاعد على كرسي هزاز وبقول عن حاله فقير ومعتاز. اسمه الثاني على وزن افنش وشعر راسه نافش ومنكش وما حدى بحاكيه ومهمش وكثير عليه يقعد بمعرش ودايما مشوش واقع ومفركش .. اكاديمي من طراز قديم وبفكر حاله عليم وبكل اشي غشيم وبقول عن نفسه فطيم ثقيل دم ومش وسيم وبحتفل بشم النسيم بخيل ومش كريم .. مش معروف وما حدى بدقله باب ولما بتسأله ما عنده جواب شغل بكش ذباب يتعشى كفتة وبفطر كباب وبغني حياتي عذاب رايح جاي وما حدى عاملة حساب .. مثله مثل الزمن قلاب ومش محبوب بين النواب وكثير الزعل والعتاب مرة يترك تياره ومره يركب مع الركاب وسوالفه طايره مع الريح وكلها سراب .. ضيف وما تعود يكون معزب وعمره للمنسف ما كان مشرب وطول حياته متعذب وصيف شتى مشوب متجمد ومتكهرب.