التاريخ : 2015-06-20

الراي نيوز- اسمه الاول على احد اسماء السيف وما برحب بالضيف .. بفكر حاله نقيب وشاطر ، لا هو مشهور ولا ظاهر ، دخوله على منصبه حدث عابر ، اليوم هو فوق وبكره بتلاقيه حادر .. ويكش بدنه لما بشوف حاله على صفحة الساخر ، والسوس لسنانه ناخر ، وبفكر حاله من الاخر ونوع نادر وفاخر ، وبالنقابات ما بنى شادر ، وعمره ما طيب خاطر. واسمه الثاني قريب من الشدة وما ضل في بيته عدة وكل اشي حطه عالسدة وكان بار بامه وبالجدة .. وشغلة قريب من الطباشير وعمره ما نام ولا صحي بكير، وما بعرف غير الغني ومطنش للفقير، وعزفه المحبب الشخير ودايما بطلع الاخير ، واكثر ما بكره الفكر والتفكير ودايم الدوم مسكره معاه تسكير، ويقضيها ينظر تنظير وبفكر حاله مختار المخاتير ، وبعمان مقضيها مشاوير على البندورة وبين السحاحير واسمه ما بتوه اكثير .. شُغل استعراض بالنقابات وبالوزارات وبحلم بالعمارات والسيارات وعلى دوره كثرت المخالفات ويتحدى ديوان المحاسبة بالتجاوزات وبحب اليورو والدولارات وبخاف يلبس نظارات .. عمره ما زار الجنوب وبين قرايبه مش محبوب وما بعرف المصطبة من سلحوب ومطبخه اشتراه من طهبوب وعند الجد بقلك يا محلا الهروب ومن عند ابو علي بشتري خروب .. وما بتغدى الا بعد الغروب.. اردني من ايام زمان .. وبهاجم الحكومة وبفكر حاله سوبرمان وما بتعرف على الجيران وهو من جماعة شومان وكان يعرف ناس من اذريبجان وبفطر مقالي باذنجان وطالب في الحرب على كردستان وعدو لداعش من ايام الفرمان ..